17 aprel 2026-cı il tarixdə saat 14:00-da Abdulla Şaiqin Mənzil-Muzeyində “Ev-muzeyləri – Muzeylərin sirrini ustadlardan öyrənək!” adlı maarifləndirici tədbir keçiriləcək. Tədbir, ev-muzeylərinin mədəni irsin qorunması və təbliğində rolunu diqqətə çatdırmaq, həmçinin muzey işi sahəsində təcrübə və bilik mübadiləsini təşkil etmək məqsədi daşıyır.

Tədbir Beynəlxalq Muzeylər Komitəsi (ICOM) və təşkilatın ev-muzeyləri üzrə beynəlxalq platforması tərəfindən dəstəklənən Ev-muzeyləri Günləri təşəbbüsünün ideyalarına uyğun olaraq təşkil edilir. Bu təşəbbüs görkəmli şəxsiyyətlərin yaşayıb-yaratdıqları məkanların qorunmasını, onların mədəni yaddaşın mühüm daşıyıcıları kimi tanıdılmasını və ev-muzeylərinin ictimai-maarifləndirici potensialının genişləndirilməsini hədəfləyir.