Tədbirdə məktəbin pedaqoji kollektivi, şagirdlər və Abdulla Şaiqin Mənzil-Muzeyinin nəzdində fəaliyyət göstərən “Vətən” yaradıcılıq dərnəyinin üzvləri iştirak ediblər.

Tədbiri direktor əvəzedicisi Səidə Süleymanova açaraq Qarabağ Zəfərinin xalqımız üçün əvəzsiz tarixi əhəmiyyətindən danışıb. Daha sonra Ələkbərova Pərvanə və Sevinc Camalova – tədris işləri üzrə direktor müavinləri, həmçinin tarix müəllimi Nəzərova Mətanət çıxış edərək 8 Noyabr – Zəfər Gününün gənc nəslin yaddaşında daim yaşadılmasının vacibliyini vurğulayıblar.

“Vətən” yaradıcılıq dərnəyinin üzvləri Qarabağa həsr olunmuş şeirlər səsləndirib, səhnəciklər təqdim ediblər. Şəhidlərimizin müqəddəs xatirəsinə ehtiramla keçirilən tədbir, iştirakçılarda dərin vətən sevgisi və milli qürur hissi oyadıb.