Braziliyanın paytaxtı Braziliada Azərbaycan Səfirliyinin təşkilatçılığı ilə 1 iyun Uşaqların Beynəlxalq Müdafiəsi Gününə həsr olunmuş tədbir keçirilib. “Affinity Arts” adlı beynəlxalq uşaq bağçasında baş tutan tədbirdə Azərbaycan ədəbiyyatının klassiki Abdulla Şaiqin yaradıçılığı haqqında məlumat verilib, ədibin məşhur “Tıq-tıq xanım” mənzum hekayəsi uşaqlar üçün ingilis dilində oxunub, nağılın personajlarının şəkilləri monitorda nümayiş etdirilib. Sonra uşaqlar kağızdan Tıq-tıq xanım obrazını düzəldiblər.
Sonda uşaqlar hazırladıqları əl işlərilə xatirə şəkli çəkdiriblər.
“Tıq-tıq xanım” mənzum nağılını görkəmli Azərbaycan bəstəkarı Tofiq Bakıxanovun İsveçdə yaşayan nəvəsi Nadim Əliyev ingilis dilinə tərcümə edib və özünün “Hermes Publishing” nəşriyyatında çap elətdirib. İllüstrasiyaların müəllifi Alex Bjelicadır.