Milli Gənc Tamaşaçılar Teatrında Azərbaycan ədəbiyyatının görkəmli nümayəndəsi Abdulla Şaiqin “Qaraca qız” pyesi əsasında hazırlanan tamaşanın premyerası baş tutdu. Tamaşanın quruluşçu rejissoru Xalq artisti Cənnət Səlimova, rejissoru Əməkdar artist Nofəl Vəliyev, rəssamı Nisə Hətəmova, musiqi tərtibatçısı İradə Muradovadır.
Tamaşada Əməkdar artistlər Qəmər Məmmədova, Elnur Hüseynov, Mehriban Abdullayeva, aktyorlar Rəşad Səfərov, Ramiq Nəsirov, Ədalət Əbdülsəməd, Elgün Yəhyayev, Simuzər Ağakişiyeva, Ramil Məmmədov, Hilal Dəmirov, Xaliq Bəkirov və b. iştirak etdilər.
Abdulla Şaiqin Mənzil-Muzeyi adından teatrın rəhbərliyini və bütün kollektivini “Milli” statusu alması münasibəti ilə təbrik edir və onlara yaradıcılıqlarında daimi uğurlar və yüksəliş diləyirik.