6 may 2024-cü il tarixdə saat 15:30-da Respublika Fizika-riyaziyyat və İnformatika təmayüllü liseyin  akt zalında Abdulla Şaiqin Mənzil-Muzeyi ilə liseyin 8c sinfinin birgə təşkili ilə “Yaşıl dünya naminə həmrəylik” adlı tədbir keçiriləcək. Tədbir Azərbaycan Respublikasının Prezidenti cənab İlham Əliyevin 2024-cü ilin “Yaşıl dünya naminə həmrəylik ili” elan edilməsi haqqında Sərəncamına əsasən keçirilir.

Azərbaycan Respublikası beynəlxalq ictimaiyyətin etibarlı və məsuliyyətli üzvü kimi iqlim dəyişmələrinin fəsadlarına qarşı mübarizəyə öz töhfəsini verir. Azərbaycan ədəbiyyatının görkəmli nümayəndələri isə ədəbi yaradıcılıqları boyu təbiətin tərənnümünə həsr olunmuş bədii nümunələr yaradıblar. Tanınmış şair, nasir, dramaturq, böyük pedaqoq Abdulla Şaiq də yaradıcılığı boyu təbiət təsvirlərinə geniş yer verərək “Gözəl Bahar” pyesi ilə uşaq dramaturgiyasının əsasını qoyub. Əsərdə ədib fəsilləri və təbiət hadisələrini dilə gətirərək bədii obrazlar vasitəsilə təbiəti tərənnüm edib.  Uşaqların ifasında səslənəcək həmin nümunələr uşaq ədəbiyyatının inciləri sırasına daxildir.