29 sentyabr 2022-ci il tarixdə Litvanın Azərbaycandakı fövqəladə və səlahiyyətli səfiri Eqidius Navikas Abdulla Şaiqin Mənzil-Muzeyinin qonağı oldu. Muzeyin direktoru Ülkər Talıbzadə cənab səfiri muzeyin ekspozisiyası ilə tanış etdi və Abdulla Şaiqlə Litva ədəbiyyatının klassiki Vinsas Kreve-Miskeviçus arasında olan dostluq və əməkdaşlıq münasibətlərindən geniş danışdı. Eqidius Navikas müəllifi Mahir Həmzəyev olan “Azərbaycan-Baltik Mədəni Əlaqələri” kitabını Abdulla Şaiqin Mənzil-Muzeyinə şəxsən təqdim etdi və muzeyin rəy kitabında təəssüratlarını öz doğma litva dilində bölüşdü. Sonda cənab səfir Eqidius Navikas ilə muzey kollektivi birgə xatirə şəkli çəkdirdi.