24 may 2022-ci ildə Bilgəh qəsəbəsi 11 nömrəli İnteqrasiya təlimli internat məktəbi Abdulla Şaiqin Mənzil-Muzeyində ekskursiya-tədbirdə iştirak etmişlər. Uşaqlar məktəbin Azərbaycan dili və ədəbiyyat müəllimi İlahə Qoçayevanın təşkil etdiyi tədbirdə olduqca fəal iştirak etmiş və Abdulla Şaiqin uşaq yaradıcılığına müraciət edərək bir-birindən gözəl şeirlər səsləndirmiş, mənzum hekayələrdən hissəciklər səhnələşdirmişlər.

Abdulla Şaiqin Mənzil-Muzeyi öz növbəsində bu münasibətlə məktəbliləri fəal iştiraklarına və diqqətlərinə görə təşəkkürnamələrlə təltif etdi. Muzeyimiz adından məktəbin bütün müəllim və şagird heyətinə dərin təşəkkürümüzü bildiririk.