24 may 2022-ci il tarixdə Bilgəh qəsəbəsi 11 nömrəli İnteqrasiya təlimli internat məktəbi Abdulla Şaiqin Mənzil-Muzeyində tədbir həyata keçirdi. Tədbir məktəbin Azərbaycan dili və ədəbiyyat müəllimi Qocayeva İlahə tərəfindən hazırlanmışdı. Müxtəlif siniflərdən olan (1 r, 3 r, 4 r, 5 r) istedadlı və ağıllı şagirdlər ədibin şeirlərini və şeirlərinə bəstələnmiş mahnıları ifa etdilər. Abdulla Şaiqin uşaqlara müraciətini öz dilindən dinləyərək həmin görüntüləri izləyən, bu günkü tədbirə böyük həvəslə hazırlaşaraq çıxış edən məktəblilər bildirdilər ki, onlar arzusu hər zaman uşaqların yaxşı oxuması, yaxşı təhsil alması olan Abdulla Şaiqin həmin arzusunu gerçəkləşdirirlər. Sonda iştirakçılar muzeyin direktoru Ülkər Talıbzadəyə və əməkdaşlara onları səmimi, isti münasibətlə qarşıladıqlarına görə təşəkkür edərək muzeyə müəllifi Yağmur Əskərzadə olan Qarabağın nişanəsi “Xarı bülbül” adlı rəsm əsərini hədiyyə etdilər. Ülkər xanım da öz növbəsində belə ağıllı və tərbiyəli uşaqlara həm muzeyi ziyarət etdiklərinə, həm də bu cür qayğı və diqqətlə tədbir təşkil edərək bizi yüksək qiymətləndirdiklərinə görə təşəkkür etdi.