15 aprel 2022-ci il tarixdə saat 14:00-da Abdulla Şaiqin Mənzil-Muzeyində “Aytam” Uşaqların Mədəni Maarifləndirilməsi İctimai Birliyi ilə birgə 18 aprel Beynəlxalq Abidələr və Tarixi Yerlər Günü və “Şuşa ili” çərçivəsində “Şuşa abidələri – tariximizin silinməz izləri” adlı tədbir keçiriləcək.

Azərbaycan Respublikasının Prezidenti İlham Əliyev 2022-ci il 05 yanvar 2022 tarixində 2022-ci ilin Azərbaycan Respublikasında “Şuşa ili” elan edilməsi ilə bağlı xüsusi Sərəncam imzaladı.

Sərəncamın əsas müddəalarını rəhbər tutaraq Abdulla Şaiqin Mənzil-Muzeyində keçirilən, əsrarəngiz gözəlliyə malik Şuşanın zəngin abidələrinə həsr edilmiş tədbirə Bakı şəhərində yerləşən bir sıra muzeylərin əməkdaşları, “Aytam” Uşaqların Mədəni Maarifləndirilməsi İctimai Birliyinin rəhbəri və üzvləri, KİV nümayəndələri dəvət olunublar.