Narkomaniya – Ağ Ölümə Son!

2021-ci il iyunun 5-də Abdulla Şaiqin Mənzil-Muzeyində müasir dövrümüzdə bəşəriyyətin bəlası olan narkomaniya ilə mübarizə mövzusunda “Narkomaniya – Ağ Ölümə Son!” adlı tədbir keçirildi. Tədbirin keçirilməsində məqsəd gənclərə əsrin bəlasını tanıtdırmaq, onları narkomaniyaya qarşı mübarizə və sağlam həyat tərzi mövzusunda maarifləndirməkdir.

Tədbirdə həkim-psixiatr, narkoloq, tibb elmləri namizədi, Bakı Narkoloji Mərkəzinin həkimi Fəzail Sadıqov, Xətayi rayonu 58 saylı tam orta məktəbin yuxarı sinif şagirdləri və müəllimləri iştirak etdilər.

Dəvət olunan qonaqlar mövzuyla bağlı fikirlərini bölüşdülər. Tədbirdə çıxış edən həkim-narkoloq Fəzail Sadıxov, gənc nəsli narkotik bəlasından qorumaq üçün aparılan təbliğat məsələlərini müzakirə etdi, bu bəladan çəkinməyin profilaktik tədbirlər haqqında maarifləndirici fikirlər söylədi. Tədbirdə “ağ ölüm” mövzusunun incəsənətdə və ədəbiyyatda inikasından söhbət açıldı.