2021-ci ildə dünya ədəbiyyatının görkəmli nümayəndəsi, dahi Azərbaycan şairi və mütəfəkkiri Nizami Gəncəvinin 880 illiyi tamam olur. Bununla əlaqədar 2021-ci il Azərbaycan Respublikasının Prezidenti cənab İlham Əliyev tərəfindən “Nizami Gəncəvi ili” elan olundu. “Nizami Gəncəvi ili” çərçivəsində 06 fevral 2021-ci il tarixdə saat 14:00-da Abdulla Şaiqin Mənzil-Muzeyi 58 saylı orta məktəblə birlikdə “Nizami dühasının izləri Abdulla Şaiq irsində” adlı onlayn tədbir təşkil edəcək. Tədbir Zoom proqramı vasitəsilə həyata keçiriləcək. Tədbirdə iştirak etmək arzusunda olanlar əvvəlcədən muzeyin İnstagram və Facebook səhifələrinə yaza və ya +994124922961 nömrəsi ilə əlaqə saxlaya bilərlər.