18 may 2019-cu  il saat 12:00 və 15:00 – da Abdulla Şaiqin Mənzil Muzeyində 18 may Beynəlxalq Muzeylər  Günü münasibəti ilə Abdulla Şaiqin Mənzil Muzeyinin əməkdaşları Azərbaycan ədəbiyyatının klassiki, uşaq dramaturgiyasının banisi Abdulla Şaiqin “Şələquyruq” nağılı əsasında hazırlanmış kukla tamaşasını təqdim etdilər.

Tamaşa 2 seans  nümayiş olundu. Tamaşanı Xətai rayonu 58 saylı tam orta məktəbin şagirdləri və digər azyaşlı qonaqlar seyt etdilər. Daha sonra uşaqlar Abdulla Şaiqin şeirlərini səsləndirdilər. Tamaşa bitdikdən sonra uşaqlar ədib haqqında video-çarxa baxdılar, muzeyin ekspozisiyası ilə tanış oldular.