3 noyabr 2018-ci il saat 11:00-da Abdulla Şaiqin Mənzil Muzeyində “Abdulla Şaiqin nağıl obrazları uşaqların təsvirində” adlı tədbir keçiriləcək.

Muzeyin ekspozisiyasında uşaqların rəsmlərindən ibarət sərgi təşkil olunacaq.

Tədbirdə bağça və məktəb yaşlı uşaqlar iştirak edəcəklər.

Sənətşünaslıq üzrə fəlsəfə doktoru, dosent, rəssam Sabir Qasımov  balaca dostlarımıza “ustad dərsi” verəcək. Daha sonra uşaqlar rəssamın köməkliyi ilə Abdulla Şaiqin əsərlərinin personajlarını və fəslə uyğun payız mənzərələrini rəngli boyalarla əks etdirəcək, sonda muzeyin ekspozisiyası ilə tanış olacaqlar.