01 iyun 2018-cü il tarixdə Abdulla Şaiqin Mənzil Muzeyində 1 iyun “Beynəlxalq Uşaqların Müdafiəsi günü” münasibətilə tədbir keçirildi.
Tədbirdə Kaspi Təhsil Mərkəzinin müəllim və ibtidai sinif şagirdləri iştirak etdilər. Uşaqlar muzeyin ekspozisiyası ilə tanış oldular, ədibin həyat və yaradıcılığı barədə mühazirə dinlədilər.
Bədii hissədə məktəblilər Abdulla Şaiqin əsəri əsasında hazırlanmış kukla tamaşasını, sevimli yazıçılarına həsr edilmiş telefilmi seyr etdilər. Tədbirdə ədibin əsərlərindən nümunələr səsləndirildi.