23 fevral tarixində Abdulla Şaiqin Mənzil Muzeyinin əməkdaşları ədibin 137-ci ildönümü münasibəti ilə Fəxri Xiyabanda qəbirüstü abidəsi önündə tədbir keçirdilər.  Tədbirdə muzeyin direktoru, ədibin nəvəsi Ülkər Talıbzadə, muzeyin böyük elmi işçisi, tədqiqatçı Arzu Hacıyeva çıxış edərək, Abdulla Şaiqin həyat və yaradıcılığından, pedaqoji fəaliyyətindən, onun Azərbaycan ədəbiyyatındakı rolundan danışdılar. Tədbirdə ADMİU-nun tələbələri də iştirak etdilər. Onlar ədibin yaradıcılığına müraciət edərək onun bir sıra şeirlərini səsləndirdilər.