05 may 2016-cı ildə Abdulla Şaiqin Mənzil Muzeyində Azərbaycan poeziyasında silinməz izlər qoymuş, xalq şairi Zəlimxan Yaqubun əziz xatirəsinə həsr olunmuş “Ədəbiyyatın bir incisi” adlı xatirə günü keçirilib.
Tədbirə Aşıqlar Birliyinin sədri və birliyin üzvləri, bir sıra mənzil və xatirə muzeylərinin əməkdaşları, şairin qələm dostları dəvət olunmuşdular.
Xatirə günündə şairin əziz xatirəsi yad edilib, qələmə aldığı şeirlər, qəzəllər səsləndirilib, onun həyat və yaradıcılıq yolu tədbir iştirakçılarına təqdim olunub.
Tədbirin keçirilməsində məqsəd Azərbaycan ədəbiyyatına, poeziyasına tövhələr vermiş, əbədiyyətə qovuşmuş, lakin xalqın yaddaşında hər zaman yaşayan, el şairi Zəlimxan Yaqubun yaradıcılğını yaşatmaq indiki nəslə çatdırmaqdır.