İşıqlı gələcəyimizi söndürməyək
2017-ci il aprelin 25-də Abdulla Şaiqin Mənzil Muzeyində müasir dövrümüzdə bəşəriyyətin bəlası olan narkomaniya ilə mübarizə mövzusunda “İşıqlı gələcəyimizi söndürməyək” adlı tədbir keçirildi. Tədbirin keçirilməsində məqsəd gənclərə əsrin bəlasını tanıtdırmaq, onları narkomaniyaya qarşı mübarizə və sağlam həyat tərzi mövzusunda maarifləndirmək idi.
Tədbirdə həkim-narkoloq Elçin Haqverdov, “Aytam” – Uşaqların Mədəni Maariflənməsi İctimai Birliyinin sədri Aygün Zamanlı, “Erməni təcavüzünün tanıdılması” İctimai Birliyinin sədri Səriyyə Müslümqızı, Azərbaycan radiosunun əməkdaşı, jurnalist İlahə Aslanova, Şuşa Humanitar Kollecinin müəllim və tələbələri, Bakı şəhər 141 saylı orta məktəbin kollektivi və media nümayəndələri iştirak etdilər.
Məclisə dəvət olunan qonaqlar mövzuyla bağlı fikirlərini bölüşdülər. Tədbirdə çıxış edən həkim-narkoloq Elçin Haqverdov, muzeyin böyük elmi işçisi Arzu Hacıyeva, Səriyyə Müslümqızı, Aygün Zamanlı gənc nəsli narkotik bəlasından qorumaq üçün aparılan təbliğat məsələlərini müzakirə etdilər, “ağ ölüm” mövzusunun incəsənətdə və ədəbiyyatda inikasından söhbət açdılar.
Copyright © 2016 - 2019 - House museum of Abdulla Shaig
Sayt "IT Service" MMC tərəfindən hazırlanmışdır
Bütün hüquqları qorunur.