22 oktyabr 2015-ci il tarixində Abdulla Şaiqin Mənzil Muzeyində Abdulla Şaiqin gəlini, Şaiq irsinin layiqli davamçısı akademik Kamal Talıbzadənin ömür-gün yoldaşı, Abdulla Şaiqin Mənzil Muzeyinin uzun illər direktoru olmuş dəyərli ana, sevimli pedaqoq Rəfiqə xanım Talıbzadənin 80 illik yubileyinə həsr olunmuş xatirə günü keçirilib.
Tədbirə Rəfiqə xanımın iş yoldaşları – BDU-nun pedaqoqları, onun tələbələri, yaxın qohumları, memorial ev muzeylərinin əməkdaşları dəvət olunmuşdular. Qonaqlar Rəfiqə xanım Talıbzadənin həyatı və pedaqoji fəaliyyəti haqqında öz xatirələrini bölüşmüşlər.
Tədbirdə Kamal müəllimin Rəfiqə xanıma həsr etdiyi “Gözəllik qocalmır” poetik parçası və A. Şaiqin öz həyat yoldaşı Şahzadə xanıma bəslədiyi sevgi və rəğbət hisslərini ifadə edən “Canlı Dərbənd çiçəyi” şeirləri səsləndirilmişdir.